ادسنسشروحات

الخبر الصادم لجميع الناشرين | تم تقييد عدد الاعلانات | وطريقه حل المشكله

الخبر الصادم لجميع الناشرين | تم تقييد عدد الاعلانات | وطريقه حل المشكله

الخبر الصادم لجميع الناشرين | تم تقييد عدد الاعلانات | وطريقه حل المشكله

طبعا في الفتره الاخيره وبعد التحديث الاخير اكتر الناس جالها رساله مكتوب فيها ان تم تقييد الاعلانات وبالفعل الاعلانات ممكن تكون قلت او اتشالت خالص والارباح ممكن تكون قلت واتحجز بعض من الارباح |تم تقييد عدد الاعلانات | بسبب الجمله دي .
طيب خلينا الاول نعرف ايه اللي حصل و ايه سبب المشكله ونحلها ازاي . هنتكلم عن الحاجات دي كلها في الموضوع ده ومعاكم خطوه بخطوه ان شاء الله لحد ما الكل يحل المشكله .

اولا : خلينا نعرف ايه اللي حصل من البدايه .

اول حاجه كل اللي حصل الفتره الاخيره كان بسبب التحديثات الاخيره في جوجل ادسنس وده اللي اغلب الناس اتكلمو فيه . 
بس دايما مبيكونش في حل . لكن السبب الحقيقي هو انتشار برنامج جديد يعتبر القشه التي قسمت ظهر البعير اللي هو عباره عن ايه هو برنامج بيساعد في زياده النقرات بس بطريقه شرعيه و تمنه كان رخيص تقريبا بالمقارنه باللي بيقوم بيه . 

//////طيب جوجل ادسنس عملت ايه بقي عشان تحل المشكله دي .

بدأت تحط كل المواقع اللي بيجيلها زيارات من مكان محدد زي الفيس او تويتر او اي منصه غير منصه البحث الرسميه ليهم وهي 
|بحث جوجل| طيب ليه بقي لان طبعا لما بيجيلك زيارات كتيره من مكان واحد يبقي انت بتعمل حاجه من 3 حاجات ممنوعه منعا باتا في سياسات جوجل ادسنس .

رقم 1 : ان حضرتك بتستخدم برنامج من البرامج المحظوره بالنسبه ليهم .

رقم 2 : ان حضرتك بتدفع لمكان معين او لجروب معين عشان يعملك اعلان لزياده الزوار .

رقم 3 : ان حضرتك بتدخل تنقر بنفسك علي اعلاناتك او شخص معين عمل ريبورت عن الموقع .

هنا بقي الشركه بتعمل حاجه تعتبر احسن من زمان . بيبعتو لحضرتك رساله يقولولك فيها انت عند مشكله و هنوقف الاعلانات او هنحددها لحد ما تحل مشكلتك و بيقولولك رساله مهمه مش كل الناس اخدت بالها منها | نرجو ان تكون سباق بتعديل الاخطاء | يعني هما بيقولو لحضرتك انك تكون سباق وتحل مشكلتك قبل ما يضطرو انهم يقفلولك الحساب خالص . ومش هتقدر تتحكم فيه .

هنا بقي هنيجي للنقطه المهمه وهي : الــــــــــــــحل ……..


الحل سهل جدا وبسيط واغلب الناس مخدتش بالها منه : 

الحل هنقسمه الي 6 خطوات مهمين جدا ميقلوش اهميه عن بعض : 

الخطوه الاولي : جوجل ادسنس بتحب الناس اللي بتفهم جدا وبتقدرهم لان هما بيعتبرو ان اللي بيقدر يتحكم في مشاكله قادر انه يكون شخص فاهم و يعتمد عليه 
فحضرتك مبدأيا هتلغي الاعلانات نهائيا من موقعك او تطبيقك نهائيا وتعمل نقطه وتبدأ من اول السطر .

الخطوه الثانيه : هتشيل اللينكات اللي شيرتها علي البيدج بتاعه حضرتك لانها في الغالب هي هتكون سبب المشكله ولو حابب تسيبها مفيش مشكله بس هتعدل علي اي بوست انت بتشجع الناس انهم يدخلو علي الموقع يعني اي حاجه زي هديه او خصم او كود خصم لو الموقع عباره عن متجر .

الخطوه الثالثه : حضرتك شركه جوجل ادسنس عامله بالظبط زي الشركه اللي مبتحبش حد ينافسها في رزقها . تعبير مجازي طبعا .
يبقي حضرتك مطلوب منك ايه في الخطوه دي هتدخل تعمل اعلان لموقعك علي جوجل نفسها . ليه بقي لان اي زياره هتجيلك هتكون شرعيه 100 % ومحببه ليهم . وعلي فكره الاعلان هيكون بسعر رمزي يعني ممكن يبدا من 50 جنيه .

الخطوه الرابعه : بدل حضرتك اتحطيت في المجموعه اللي اتحدد ليهم الاعلانات اذن حضرتك محطوط تحت تقييم بشريين مش روبوتات . بمعني ان حضرتك متستسلمش وتستني هما يحلولك المشكله ومتشتكيش كتير لان الشكوي مش هتفيدك .

الخطوه الخامسه : عرف الناس اللي بتقيم حضرتك ان الناس بتجيلك عشان مقالاتك او موضوعاتك بان حضرتك هتعمل عالاقل موضوعين حصريين وتحطهم علي المدونه . كده انت بتقولهم انا شغال علي الاصلاح مش ساكت .

الخطوه السادسه : هترجع تحط الاعلانات تاني بعد مرور 5 ايام .
بتنفيذ الخطوات دي بأكد لحضرتك ان مشكلتك اتحلت وهي مش مشكله هي بالنسبه لجوجل أدسنس اعاده تقييم لبعض المواقع لحمايه المعلنيين وحقوقهم . 
في النهايه اتمني اني ماكونش طولت عليكو واتمني ان الموضوع يكون فيه استفاده للجميع . 
وأي استفسار هكون مع حضراتكو من خلال التعليقات ان شاء الله .
ونبدأ الان الشرح العملي لما قمت به 

فيـــــديو الـــــشرح

Amro Adel

انا عمرو عادل مؤسس موقع و قناة عيون للمعلوميات علي اليوتيوب , محب للعلوم و التكنولوجيا و التجاره الالكترونيه و قمت بأطلاق قناة عيون للمعلوميات علي اليوتيوب لتكون موسوعة علمية تقنية لكل المواضيع التكنولوجيه التي احببتها وتمنيت ان تصل لكل الشباب .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى