الاثاث الذكي

10طرق لتنظيم مكتبك ( طرق مجربه )

10طرق لتنظيم مكتبك ( طرق مجربه )
10طرق لتنظيم مكتبك ( طرق مجربه )

10طرق لتنظيم مكتبك ( طرق مجربه )

ممكن تفكر ان ترتيب المكتب ده بتاع الاجانب بس و الافلام بس الحقيقه ان ترتيب المكتب بيكون مهم جدا لان ترتيب المكتب من البدايه هيوفرلك وقت و مجهود كبير جدا بعد كده .
ومش مفهوم ترتيب المكتب انك تنقل الحاجات من مكان لمكان تاني او لدرج تاني لا الترتيب ان كل حاجه تكون في مكانها المخصص ليها .
وتخصيص مكان لكل حاجه انت حابب انها تفضل في المكان هيكون مريح لعينك وهيديلك طاقه للعمل و الانتاج و هتقلل من وقت التنضيف واعاده الترتيب .
ومش لازم كل يوم ترتب مكتبك هي مره واحده او مرتين بالكتير في الشهر هيكون كويس جدا .
وممكن تخصص ساعه من يوم في نصف الشهر هتاخد راحه ومنها ترتب المكان فخلي الموضوع من ضمن اهتماماتك في الشغل .
فلو كنت مستعد يكون مكتبك منظم تعالي اقولك علي نصايح جربتها شخصيا باقل وقت ومجهود وبالنصايح دي هيكون عندك مكان مجهز فعليا للعمل والراحه في العمل .

في هذا المقال سنتعرف علي افضل الطرق لترتيب مكتبك ليظهر بمظهر جذاب 

مقالات ذات صلة

اشترك في قناه عيون للمعلوميات ليصلك كل جديد من هنا

عشره طرق مفيده : 

أولا : انا هسمي الطريقه دي ( ابدأ بالنضافه )

أول حاجه هقولها ان النظافه من الايمان . يعني في بدايه كل حاجه الموضوع موضوع انك تكون في مكان نضيف ومش مكركب .
*هنبدأ بالحاجات اللي دايما بنشوفها في اي مكان وهي حاجات كتير عالمكتب مالهاش لازمه بس لمجرد انها لازم تكون موجوده و الاوراق الكتير اللي ممكن يكون فيها رقم او عنوان او نوتس بتفكر نفسك بيها .
*جمع كل الحاجات دي في بوكس صغير بعد ما تاخد المهم اللي فيها وسيب البوكس في مخزن او مكان مخصص ليه .
*الكراسي و المكتب شوف ايه كويس فيهم و شغال تمام و اللي مش شغال ممكن تشوف فني يصلحه عشان متبقاش قلقان وانت شغال او مستنيه هيبوظ امتي .
* دور في المكان هتلاقي اماكن صغيره فاضيه ممكن تجيب فيها زرع (طبيعي – صناعي ) كنوع من انواع الراحه للعين .

ثانيا : اعاده توزيع الادوار .

طبعا مش هننسي ان في حاجات كتير بتكون مش في مكانها فهنهتم في المرحله دي اننا نرجع كل حاجه في مكانها ونخليها تقوم بالدور بتاعها بس .

ثالثا : افصل بين أماكن العمل و اماكن تخزين الملفات .

في المرحله دي هنعمل حاجه جميله جدا وهي ان المكتب هنخليه للشغل فقط وهنخلي مكان مخصص للفايلات و كل ما يتم تخزينه .

رابعا : ابعد كل ما لاتستخدمه أو نادرا ماتستخدمه عن مكان عملك .

في اكتر الاوقات زي ما اتفقنا بيكون عندك حاجات كتير نادر ما بتستخدمها لذلك ابدأ حالا بابعاد كل هذه الاشياء بعيد عن المكتب .

خامسا : استخدام الليبل في التخزين .

ايه هو الليبل . هو عباره عن ورق صغير يتم لزقه علي الشئ للتذكير به فيما بعد 
استخدمه حتي لو كنت فاكر مكان كل حاجه اكيد لو منفعكش شخصيا هيستفاد منه اي حد بيدور علي حاجه معينه .

سادسا : راجع ملفاتك واحذف المتكرر منها اذا كان رقميا او اوراق

دايما بيكون عندنا ملفات كتير و اوراق مكرره حاول انك تقارن بينهم وتمسح او تقطع المتكرر منهم لان كتر الملفات بيسبب لخبطه كتير لما بتيجي تدور علي حاجه منهم يعني مفهوم الخطوه اعمل نظام في تخزين اوراقك و ملفاتك .

سابعا : ازاله القطه وتحريكها و تنظيفها .

في هذه الخطوه قم بازاله كل القطه وتحريكها والتنظيف من تحتها واعاده ترتيبها ورصها من البدايه .

ثامنا : ترتيب المكتب الخاص بك .

بعد الانتهاء من الخطوه السابقه قم بترتيب سطح مكتب ليكون منسق وشكله الجمالي مريح للنظر .

تاسعا : نظم الادراج الخاصه بك .

الادراج هي اماكن التخزين القريبه من المكتب فقم بتنظيمها ووضع كل ما هو مشابه لبعضه في نفس الدرج .

عاشرا : اذا كنت تعمل في مجال يخص الانترنت او تستخدم الايميل 

 * قم بتصفيه الايميلات . حتي تستطيع ان تفرق بين ما هو مهم وما هو غير مفيد .

الان لديك مكتب منظم و عملي وتستطيع اداره اعمالك بطريقه سهله وممتعه وبدون ازعاج ………..



Amro Adel

انا عمرو عادل مؤسس موقع و قناة عيون للمعلوميات علي اليوتيوب , محب للعلوم و التكنولوجيا و التجاره الالكترونيه و قمت بأطلاق قناة عيون للمعلوميات علي اليوتيوب لتكون موسوعة علمية تقنية لكل المواضيع التكنولوجيه التي احببتها وتمنيت ان تصل لكل الشباب .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى